هاياخدوا الكرسي يا بابا: سيناريو سيتكوم جديد من داخل قصر الرياسة
(يوم 24 يناير بليل داخل قصر الرياسة, احمد نظيف و شوية وزره قعدين بيلعبوا استيماشن مع الريس)
حسني: هنعمل ايه يا نظيف في شوية العيال بتوع 25 يناير
نظيف: متشغلش بالك يا ريس دول شوية هتفات و هيروحوا لحلهم , و لو مروحوش احنا هنعرف نسكتهم!
(ضحكات شريره متقطعة داخل القصر)
بدئ يوم 25 و بدئت المظاهرات السلميه و الشعب لا يريد الرحيل
(يوم 26 الصبح الريس في اجتماع مجلس الوزارة, و يقتحم جمال المجلس في غاية الانفعال )
جمال: الحق يا بابا هايخدوا الكرسي, لازم تعمل حاجة
حسني: اهدا يا جمال يا ابني, مش انل الي يتاخد منو حاجة(هةهةهةهة)
انس: طيب ازيع حاجه يا ريس؟
حسني: لا اوعه انا هتصرف, حبيب انزل بشوية من رجلتك و خلي الضرب علي خفيف
(مشي يوم 26 و 27 و الريس عرف من حبيب انهم نوين علي جمعة الغضب)
حسني: بص يا حبيب انا مش فاضي للكلام الفارغ ده, اتصرف معاهم
حبيب: متحملش هم يا ريس دول شوية عيال تفه و انا هسكتهملك
حسني: نظيف كلم طارق كامل خلي يقطع عنهم النت ده, ام النت و النتييت و الى بيتنتتو علية...و خلي يقطع الموبيلات بالمره.
(بدئ يوم 28 الملئ بالعنف من رجال الشرطة و معرفوش يسيطروا علي المتظاهرين)
(الريس امر باجتماع وزري مفاجئ)
انس: يا ريس لازم ازيع حاجه شكلنا بقى وحش قوي و القنوات الخرجية عمله تغطية شملة, كدا الاعلام المصري هيفقد مصدقيتة!!!!
حسني: ماشي بس انا بحظرك اوعي تزيع كل حاجة
انس: عيب يا ريس احنا تلاميزاك
حسني: ها يا حبيب ايه الاخبار عندك؟
حبيب: تحت السيطرة يا ريس, انا كلمت صفوت و عز عشان ينزلوا البلطجية بتوعنا, و لو منفعش السجون مليانة
(ضحكات شريره متقطعة داخل المجلس)
حسني: علي خيرت اللة, عشان يعرفوا ان وجودي حميهوم!!!
(داخل قصر الرياسة, سوزي و حسني بيكلوا كاجو و فزدق, و دخل غليهم نظيف متوتر)
نظيف: الحق با ريس, سحبنا الشرطة و نزلنا البلطجية, و مهديوش, دول عملوا لجان شعبية عشان يحموا نفسهم!!!
سوزي: لازم تسكتهم يا حسني قلهم خطاب ولا حاجة
حسني: كلم انس و قلوا يجهز الدنيا انا هخطب علي الساعة 12
سوزي: خد بالك يا حسني
حسني: حاضر
سوزي: اوعي تتنازل عن الكرسي
حسني: حاضر
سوزي: دا مستقبل الواد جمال يا حسني
حسني: حاضر
(حاول الريس يهدي الدنيا و قال انو هيغير الحكومة, و بردو الشعب يريد اسقاط النظام, عين نائب و غير الوزارة, و لسة الشعب عيزوا يمشي)
(داخل مقر الحزب الوطني)
حسني: طيب و بعدين, اعمل اية يا صفوت
صفوت: بص يا ريس انت تقول انك مش هترشح نفسك و تقول كام كلمة عاطفية عشان تقصر علي الشعب
حسني: و اجيب الكلام العاطفي منين و بعدين انا لازم ارشح نفسي و مش همشي
صفوت: يا ريس متقلقش, هنطلع مظاهرات تدافع علي وجودك, و بعدين الكلام العاطفي موجود, هاجبلك تامر حسني يكتبوا
حسني: طب و بعدين؟
صفوت: سيب الباقي عليه يا ريس
حسني: لا لازم اعرف هتعمل ايه لحسن يتقال علية طرطور
صفوت: احنا هنزل مظاهرات مؤيدة بعد الخطاب, و نخلي الاعلام مليان بناس بتتكلم تدافع عنك, و بعدين نوهم الناس ان في اجندات خارجية مسيطرة علي الشباب, و لو مخافوش ندخل الاخوان المسلمين في اليلة
حسني: طيب و الناس الي في التحرير؟
صفوت: دول نبعتلوهم شوية بلطجية الصبح, و بعدين متنساش, الاعلام هيخليهم يفقدوا طعاطف الناس و هيتكسروا...احنا نوهمهم بحرية و تغير و نخلي الوزرة الجداد يتكلموا في التلفزيون....و لما كل دا يخلص احنا هنعلق الناس الي في التحرير
حسني: انا كدا هوريهم الدكتاتوريه علي حق...مبقاش انا لو مرجعتهومش 30 سنة لورة
صفوت: كده هنخلي اي حد يفكر في التغير يحرم!
(ضحكات شريره متقطعة داخل مقر الحزب)
